SCAT | SCAT әуекомпаниясының бағыттары: жаңа мүмкіндіктерге ұмтылыңыз

Арменияға керемет Арарат тауын барлық сән-салтанатымен тамашалай алатыныңыз үшін ғана барсаңыз болады. Арарат тауы – бұл барша армяндар үшін Отан символы, заңғар тау қазір Армения аумағында орналаспағанымен, дәл осы жерден осы киелі таудың асқан ғажайып және ұмытылмас көріністері көзге түседі.

Сондай-ақ, егер сіз өміріңізде кемінде бір рет Римнен 30 жас үлкен қаланы көрмесеңіз, өзіңізді кешіре алмайсыз. Ереван — ерекше қала. Үш мың жылға жуық тарихы бар, бірақ іс жүзінде ескі ғимараттар мүлдем қалмаған ежелгі қала. Кеңес дәуірінде Ереван толық қайта құрылды, республиканың басты алаңынан бастап кең даңғылдар салынды, айналма гүлзар көздің жауын алады, соның арқасында бұрын патриархалдық болған Эривань кенеттен Парижге ұқсайтын астана келбетіне ие болды.

Дегенмен, сталиндік айбынды сәулет өнері мен қызғылт таспен ұласқан дәстүрлі армян сәулетінің үйлесімі — ерекше құбылыс және ешқандай салыстыруды қажет етпейді.

Танымал орындар

Террасса

Террассалық көріністерге ие, миллиондаған кафелер мен субұрқақтар, сондай-ақ еуропаның кез-келген астанасы қызғанышпен қарайтын, баспалдақ аралықтарындағы заманауи өнер музейі орналасқан каскадқа, қаланың төменгі және жоғарғы бөлігін байланыстыратын монументтік баспалдаққа аттаныңыз.

Месроп Маштоц атындағы ежелгі қолжазбалар институты

Орта ғасырлық қолжазбалардың әлемдегі ең бай қоймаларының бірі болып табылатын Месроп Маштоц атындағы ежелгі қолжазбалар институтына экскурсия жасаңыз, бұл институтты «Матенадаран» деп те атайды, мұнда армян және басқа да көптеген салаларда: тарих, философия, медицина, әдебиет, өнер және космографияда сирек кездесетін қолжазба кітаптар бар. «Матенадаран» ежелгі қолжазбалар жинағы ерекше құнды. 1997 жылы жинақ ЮНЕСКО-ның «Дүниежүзілік естелік кітабы» халықаралық бағдарламасына енгізілді.

Адам-оркестр Сергей Параджанов

Музей-театрға, эстетикалық карнавалға, шығармашылық шеберханаға барыңыз, мұнда адам-оркестр Сергей Параджанов өмір сүрген пәтер сол кездегі қаз-қалпында сақталған. Ол туралы досы Борис Мессерер айтқандай, «Адамдар Параджановқа киелі жерге зиярат жасағандай ағылып жататын, шипа таппаса да осы бір құдіретті тұлғаның әлдебір қасиетінен әсер алудан үміттенетін».

Бағыттар