SCAT | SCAT әуекомпаниясының бағыттары: жаңа мүмкіндіктерге ұмтылыңыз

Сочиге - Ресей Федерациясының ең үлкен теңіз курортына - қош келдіңіз! Бүкіл агломерация үлкен Сочи деп аталады және ол, расында, өте әсем жер. Теңіз жағалауын түгелдей алып жатқан үлкен Сочидің аумағы 148 шақырымды құрайды. Мұнда әркім өзіне жайлы жерді таба алады. Климаты мен ландшафты керемет Сочидің ерекшелігі сол, айналаның бәрі теңіз бен таулар. Шыңдарынан қар кетпейтін Кавказдың өзі не тұрады?! Мұнда жағажайлар өте көп, олардың көпшілігі қала ішінде, оларға жету оп-оңай. Аймақта теңіз жағалауы қиыршық тасты, егер демалысымды осында өткізем десеңіз, аква аяқкиім сатып алыңыз. Туристер мен сочиліктердің өзі көп баратын ең танымал жағажай - "Ривьера". Ол осылай аталатын саябақтың жанында орналасқан. Жағалауда сізге қажеттінің бәрі бар, толық жабдықталған. Керекті жабдықтарды жалға ала аласыз. Мейрамханалар мен дүкендер де көп.

Кавказ жотасы климаты әртүрлі аймақтарымен және керемет ландшафтымен ерекшеленеді. Сочи тауларының өзіндк құпиясы да жоқ емес: кішігірім қыраттар мен қырлы жерлері, басынан қар кетпейтін шыңдары, оның саф ауасы таңқалдырады. Туристер үшін әртүрлі экскурсиялық маршруттар қарастырылған. Кейбір жерлерге көлікпен де жетуге болады, дегенмен, айналадағы сұлулықты жаяу жүріп көрген жақсы! Жаңғақты және 33 сарқырамаға міндетті түрде барыңыз. Жаздың аптап ыстығында тау шатқалдары мен әдемі самал есіп тұратын өзен жағасы – жаныңызға рахат сыйлайды, тамаша демалыс осы.

Сочиге жеткізетін ұшақ билеттері

Ресейдің Қара теңізінің інжу-маржанына жетудің ең жылдам және ыңғайлы жолы - әуежолы. SCAT әуекомпаниясы қазақстандықтарға Ақтаудан Сочиге тікелей рейстерді ұсынады. «Ақтау-Сочи» рейсі басқа қалалардан келетін рейстермен байланыса орындалады, бұл түрлі бағыттардағы рейстерді барынша ыңғайлы етеді.

Сочиге бару үшін әуебилетін қалаңыздың кез-келген әуекассасынан сатып ала аласыз немесе кешенді агрегатор қызметін пайдалануыңызға болады. Билетті scat.kz. сайтынан немесе әуекомпанияның мобильді қосымшасынан сатып алу ыңғайлы және жылдам. Бізде жолаушыларға тиімді әрі ыңғайлы болу үшін әр сапарға қатысты шарттарды қарап, таңдауға мүмкіндік беретін тарифтер жүйесі қарастырылған. Естеріңізге сала кетейік, SCAT әуекомпаниясының сайтында және қосымшасында онлайн тіркеуден өтуге болады.

Ақтау – Сочи бағытында ұшу кестесі: аптаның әр сәрсенбі және жұма күндері. Жол ұзақтығы - 1 сағат 40 минут.

Танымал орындар

Сочи дендропаркі

Сочиде саябақтар, гүлзарлар, бақтар өте көп. Аты әлемге әйгілі дендропаркке міндетті түрде баруыңыз керек. 1889 жылы ашылған бұл саябақтың тарихы терең, және осы уақыт ішінде жасыл бақ не деген қызықты оқиғаларға куә болды, күні бүгінге дейін жаңарумен келеді. Кеңес заманында туристердің бәрі Сочи дендропаркіндегі әтештің мүсіні жанында суретке түсетін, ол фотосуреттер кейбірінде әлі де сақталған болар... Қазіргідей цифрлы фотосуреттер болса, мүмкін сақталмас па еді?! Егер күш-жігеріңіз жетсе, бүкіл саябақты жаяу аралап шығыңыз немесе цирктен арнайы шығатын фуникулермен жоғары көтерілуге болады, кейін төмен түсесіз. Дендропарк жоғарғы және төменгі – 2 бөліктен тұрады, аумағында ерекше ағаштар көп, сан алуан гүлдер, әсем гүлзарлар, субұрқақтар мен мүсіндер баршылық. Нағыз жайлы, әрі салауатты қалалық бағыт осы. Дендросаябақтың орталығында 1899 жылы салынған «Надежда» вилласы тұр. Бұл ғимаратты осыдан бірнеше жыл бұрын белгілі публицист, баспагер және өнертанушы Сергей Худеков салған. Вилла экзотикалық өсімдіктер саябағының «жүрегіне» айналған. Үй иесі оны сүйікті жарының есімімен атағаны бекер емес - Худеков вилланың әр бұрышына, баспалдақтары мен бөлмелеріне бар күшін, уақытын сарп етті. Ерекше ықыласымен, махаббатпен салды. Аппақ қардай бұл үй қарағай мен буктардың тығыз орналасқан жасыл желектерінің жанында өте әдемі көрінеді, оның кең террассаларына шықсаңыз, теңізді, саябақтың таңғажайып сұлулығын анық көре аласыз.

Теңіз станциясы

Сочи станциясы 1955 жылы салынған. Шпильдің биіктігі - 71 метр. Одан биікте тек шағалалар ұшып жүреді. Теңіз станциясының ғимараты екі қабатты, ал мұнарасы үш қабаттан тұрады. Сол биік Мұнараның үстінде мүсіндер орнатылған, архитектуралық стилі солай ойластырылған. Тас мүсіндер жылдың төрт мезгілін және төрт құбыланы бейнелейді, ал теңіз тақырыбымен үйлесетін балықтар олардың үстінде ойнайтындай. Раушан бақтары, пальмалар мен Гималай балқарағайлары бар саябақ вокзал ғимаратының қарсы бетінде тұр. Оның ортасында диаметрі 7 метрлік субұрқақ бар. Тостағанының ортасында алысқа көз салған әйел фигурасы орнатылған. Бұл - мадам Навигация. Оның бір қолында карта-локациясы мен желкенді кеме бар. Ал екінші қолын алға қарай созып, алақанын сәл төмен түсіріп, теңіз толқынын тыныштандырып тұрғандай. Теңізшілерге көптен күткен тыныштықты сыйлайтын қимыл секілді. Сочидегі теңіз станциясы кешені туристердің сүйікті орнына айналған. Себебі, бұл - салтанатты, әдемі және романтикалық кездесулер орны. Дәл осы жерден адамдар серуен қайықтарына, яхталар мен кемелерге отырып жағалау бойымен бар әсемдікті тамашалап, қыдырып қайтады. Сәті түссе, теңізден дельфиндерді де кездестіресіз. 2010 жылы вокзал аумағында тағы бір нысан пайда болды, оны міндетті түрде көруіңіз керек – «Бриллиантовая рука» фильмінің кейіпкерлеріне арналған ескерткіш. Семен Семеныч Горбунков саяхатқа шықпақшы. Міне, ол бүкіл отбасымен бірге тұр, ал контрабандист Лелик Геша Козодоевты алтын мен гаухар тастарды алып келу үшін Ыстамбұлға жібермекші.

Қызыл шалғын және «Роза Хутор»

Кавказ тауларының қақ ортасында, керемет шыңдары көз тартар, әсем табиғатымен баурайтын курортты жердегі «Роза Хутор»-ға келіп демалыңыз - жанның рахаты. Мұны Ресейдің оңтүстігіндегі маржан деп те атайды. Өте сауатты жүргізілген инфрақұрылымы табиғат сұлулығымен үйлесіп тұр. Курорттың соқпақ жерлері ондаған шақырымға созылып жатыр. Ол тау шаңғышыларына арналған жолдар. Шаңғымен сырғанауды жаңадан үйренгендерге арналған жұмсақ соқпақтар да бар. Енді қолға алғандардан бастап тәжірибелі спортшыларға дейін – барлығының ыңғайына арналған тік беткейлерде қауіпсіздік шаралары түгел қарастырылған. Курорттың беткейлерінде заманауи көтергіштер бар, бұл жабдықтар қауіпсіз және жайлы демалуға кепілдік береді. «Роза Хутор»-да тау шаңғысына ғана жағдай жасалған деп қалмаңыз. Мұнда сіз емдеу орындарына, түрлі мейрамханаларға, көптеген бутиктерге, клубтарға және ойын-сауық орталықтарына да бара аласыз. «Роза Хутор» - жоғары деңгейлі инфрақұрылымның, ерекше табиғаттың және қонақжайлылықтың үйлесімі. Ресейдегі ең мықты курорттардың бірінде шаңғы бағыттарының бары көптің көңілінен шығуда.

Бағыттар

Сочиге жеткізетін ұшақ билеттері