Бағыттар
Батуми
Күншуақты Батуми халықаралық дәрежедегі сәнді қонақ үйлер орналасқан заманауи оңтүстік қала мен үшінші мыңжылдықтағы теңіз курортының барлық кереметін паш етеді.
Батуми Қара теңіз жағалауында орналасқан және қымбат бағалы жиектеме сияқты субтропиктердің экзотикалық флорасымен көмкерілген. Пальма, кипарис, магнолия, олеандр, бамбук, лавр, лимон және апельсин ағаштары, боз арша және шамшат ағаштары қадам сайын көз қуантады.
Батуми Қара теңіздің ыңғайлы табиғи шығанағында орналасқан және қазіргі таңда Батуми — Грузияның аса маңызды теңіз порты ғана емес, сонымен қатар елдің туристік астанасы.
Танымал орындар
Еуропа алаңына барыңыз.
Мұнда орналасқан барлық нәрсе ойын-сауық саябағын еске түсіреді. Зәулім ғимарат қабырғасына Шолу дөңгелегі орнатылған, банк ғимаратына астрономиялық сағаты бар мұнара бекітілген, оның пішіні Диснейленд қамалын еске салады, мұнда тұрғын үйлердің эклектикалық сәулеттері жайғасқан, оның аясында желілік қонақ үйлердің "әйнек" ғимараттары бой түзеп тұр.
Демалуға аса жайлы жағажайды таңдаңыз.
Батумидегі барлық жағажайлардың жалпы ұзындығы жеті шақырымға жуық. Орталық жағажайдың ең танымал және инфрақұрылымы дамыған бөлігі Ғажайыптар саябағының жанында (Али мен Нино мүсінінің жанында), ал шомылуға аса ыңғайлы бөлігі «Сан-Ремо» кафесінің жанында орналасқан. Бұл — статистика бойынша. Ал таңдауды туристердің өздері жасайды.
Түскі аста әйгілі аджар хачапуриі – қайықшадан дәм татыңыз.
Сіз бұл қайықшаларды қалай дұрыс жеу керектігін білесіз бе? Хачапуридің нағыз білгірі болу үшін қайықшаның шетін сындырып, оны жұмыртқа мен ірімшік қоспасының ортасына батыру керек. Маған сеніңіз, осылай дәмді ғана емес, сондай-ақ едәуір тезірек болады.